فين الناس الوفية ؟؟؟ فين راحت يا زماني ؟؟؟

في يـوم من الأيام ..... قابلت صديق عزيز
وكان فاكرنـي جدا..... وقال محتاج ونيس
قلتله انا تحت امرك..... وقضيـنا يـوم لذيذ

وفي مرة.. قابلته تاني...... ومن بعيد ناداني
قال انا عايزك في كلمة...... الهم عليك رماني

قلتله اهلا ... وماله !!.... وفي لحظة قلبت حاله
دة ياصاحبي الدنيا فانية ..... ولا حد ضامن مكانه



المرادي أنا الل تعبت....... من كتر الهم غلبت
اروح أنا لمين وفين؟........ من كل الدنيا هربت

وفي لحظة جه ف بالي........ دة أكيد جاهز عشاني
دانا ياما في أزمة شلته........ واليوم اهو جه أواني

وجريت على التليفون.... رنيييييت لقيته مشغول
قلت وماله اصبر شوية.... خليك هادي وموزون

وأخيرا...رد عليا ...... قلتله عايزك شوية
أنا تعبان من الأسية.... وياريت تكون معايا

وفي ثانية... رده جاني ....... أنا مش طبيب روحاني
آسف كان نفسي أخدم ....... بس الظـروف مانعاني
شـغلي وبيتي وحـياتي ........ وحاجات كتير واخداني

وياريت ما رده جاني
دة طلع انسان اناني!

رد عليا... بأسية ..... ونسي لما كان مكاني
فين الناس الوفية ؟ .......... فين راحت يا زماني ؟

ما أصعب أن يصبح للعطاء اتجاها واحدا ، فنظل نعطي ونعطي ولا يوقفنا سوى أن نستنفذ

وقتها تنظر أعيينا في عيون من أحببنا : بأن هاك وقت رد الجميل، لا نستجدي عطفا بل نتوقع عشما
فإذا بعيونهم لم تفهم ، وقلوبهم لا ترى
فترجع إلينا نظراتنا بيأس المحبين بأن: لم يعودوا يفهموا غير أننا أسد مقدام أوحمامة سلام
وكأن قلوبنا لم تُخلق كما خُلقت لهم قلوب !!!